Təqaüd
Pre-admission: əvvəlcə professor və ya qəbul ofisini tap
Hansı hallarda pre-admission lazımdır, professor emaili necə tapılır, məktub necə yazılır və cavab gəlməsə nə etmək olar.
1. Pre-admission nədir?
Pre-admission final admission deyil. Bu, universitetin və ya professorun sənə prinsipcə maraq göstərdiyini bildirən dəstək sənədi ola bilər. Bəzi CSC Type B və magistr/doktorantura proqramlarında bunu tələb edə və ya üstünlük saya bilərlər.
2. Professor emailini haradan tapmaq olar?
Ən düzgün yol universitetin rəsmi saytıdır: 1. Universitet ana səhifəsi → Schools/Departments. 2. Sənin ixtisasına uyğun fakültə. 3. Faculty/People/Supervisors/Labs bölməsi. 4. Professor səhifəsi: email, research area, publications. Çin dilində axtarış sözləri: 导师, 教师, 师资队伍, 邮箱, 研究方向, 招生. Email yoxdursa, department office və ya international office emailinə yazıb “prospective supervisor contact” istəyə bilərsən.
3. Məktubda nə yazmaq lazımdır?
Məktub qısa və konkret olsun: Subject: Prospective Master/PhD Applicant - CSC Scholarship - research topic Mətn: 1. Özünü təqdim et. 2. Hansı proqram və təqaüd üçün müraciət etdiyini yaz. 3. Professorun hansı tədqiqatı ilə maraqlandığını göstər. 4. Öz mövzunu və uyğunluğunu izah et. 5. CV və research plan əlavə etdiyini qeyd et. 6. Supervision/pre-admission imkanını nəzakətlə soruş. Əgər ingilis dili zəifdirsə, qrupda məktubunu yoxlatmaq və ya agentdən məktub hazırlığı üçün kömək almaq olar.
Yadda saxla
- Email rəsmi universitet saytından tapılsın
- CV + transkript + research plan hazır olsun
- 7-10 gün sonra yalnız bir dəfə follow-up et
- Cavabı və pre-admission sənədini PDF kimi saxla